Cümə , Yanvar 21 2022
Ana səhifə / Kriminal / Rüşvət aldığı yerdə videoları çəkilən məmurlara hökm oxundu

Rüşvət aldığı yerdə videoları çəkilən məmurlara hökm oxundu

Rüşvət alarkən videoları çəkilən məmurlara hökm oxunub.

“Qafqazinfo” xəbər verir ki, Bakı Ağır Cinayətlər Məhkəməsində rüşvət alan zaman həbs edilən Anar Poladov, Səbuhi Rzayev və Afiq İbayevin cinayət işi üzrə məhkəmə prosesi yekunlaşıb. Hökmə əsasən, Anar Poladov və Səbuhi Rzayev 8 il 6 ay, Afiq Babayev isə 8 il müddətinə azadlıqdan məhrum edilib. A.Babayev məhkəmə zalında qandallanıb. 

Qeyd edək ki, Əmlak Məsələləri Dövlət Xidmətinin Abşeron ərazi şöbəsinin rəisi Anar Poladov və həmin şöbənin baş məsləhətçisi olmuş Səbuhi Rzayev iş başında rüşvət alan zaman saxlanılıblar. Həmin görüntülərdə A.Poladov və S.Rzayevin vətəndaşdan rüşvət aldıqları əks olunub. Baş Prokurorluq və İqtisadiyyat Nazirliyinin birgə yaydığı məlumata əsasən, hər iki şəxs 1000 manat məbləğində rüşvətin 900 manatını vətəndaşdan alarkən cinayət başında yaxalanıb.

Anar Poladov və Səbuhi Rzayev Cinayət Məcəlləsinin 311.3.1-ci (qabaqcadan əlbir olan bir qrup şəxs tərəfindən rüşvət alma) maddəsi ilə təqsirləndirilən şəxs qismində cəlb edilərək barələrində məhkəmənin müvafiq qərarları ilə həbs qətimkan tədbiri seçilib.


Həmçinin oxuyun

Baş prokuror “Tərtər işi”ndən DANIŞDI

“”Tərtər işi” ilə bağlı istintaq qrupu yaradılıb. Heç kim bu işdən siyasi məqsədlərlə istifadə edə …