Bazar , Oktyabr 2 2022
Ana səhifə / Kriminal / Rüşvətə görə tutulan sabiq polis əməkdaşı yenidən məhkəmə qarşısında

Rüşvətə görə tutulan sabiq polis əməkdaşı yenidən məhkəmə qarşısında

Rüşvətə təhriketmə və dələduzluqda təqsirli bilinən sabiq polis əməkdaşı Zakir Məmmədovun barəsindəki hökmdən verilən kassasiya şikayəti üzrə məhkəmənin vaxtı məlum olub.


Pravda.az-ın əldə etdiyi məlumata görə, Ali Məhkəmədə keçiriləcək iclas sentyabrın 27-nə təyin edilib.


Şikayət hakim İlqar Qılıcovun sədrlik etdiyi cinayət kollegiyası tərəfindən araşdırılacaq.


Qeyd: Z.Məmmədov Bakı Ağır Cinayətlər Məhkəməsinin hökmü ilə 4 il 6 ay müddətinə azadlıqdan məhrum edilib və məhkəmə zalında həbs edilib. Bakı Apellyasiya Məhkəməsi hökmdən verilən şikayəti təmin etməyib.


İttiham aktına əsasən, Z.Məmmədov Qaradağ Rayon Polis İdarəsində işləyən zaman tanışı, həmin zaman həbsdə olan Elvar Xəlilov ona zəng edərək, həyat yoldaşından 4 min manat pulu götürərək, onunla birgə aparıb həmin vaxt Səbail Rayon Polis İdarəsinin müstəntiqi olan Vüqar Abbasova verməsini xahiş edib. Z.Məmmədov da onun xahişini yerinə yetirib.


Bir müddət keçəndən sonra V.Abbasov iş adamı, “Yeganə” şadlıq sarayının rəhbəri Akif Rəhimovun qəza törətmiş oğlu Rəhim Rəhimovun cinayət işi ilə bağlı vəzifəsindən kənarlaşdırılıb, daha sonra isə ölkədən qaçıb.


E.Xəlilov həbsdən çıxandan sonra hüquq-mühafizə orqanlarına şikayəti əsasında Z.Məmmədov barəsində cinayət işi başlanıb. Ona Cinayət Məcəlləsinin 178-ci (dələduzluq) və 34,312 (rüşvət verməyə təhriketmə) maddələri ilə ittiham verilib.


E.Xəlilov iş üzrə şahid qismində tanınıb.

Həmçinin oxuyun

Suraxanıda narkotik dövriyyəsi, oğurluq və quldurluğa görə 222 nəfər saxlanılıb – VİDEO

Bakının Suraxanı Rayon Polis İdarəsinin əməkdaşları tərəfindən avqust-sentyabr ayları ərzində keçirilən əməliyyatlar zamanı narkotiklərin qanunsuz …