Ana səhifə / Kriminal / Rusiyada həlak olan azərbaycanlı biznesmen və oğlunun meyiti Azərbaycana gətirilib

Rusiyada həlak olan azərbaycanlı biznesmen və oğlunun meyiti Azərbaycana gətirilib

Rusiyanın Saxalin vilayətində avtomobil qəzasında həlak olan azərbaycanlı biznesmen və oğlunun meyiti Azərbaycana göndərilib.

APA-nın Rusiya bürosunun verdiyi məlumata görə, həmyerlilərimiz Lətif Həsənov və oğlu Elnur Həsənovun meyitləri vətənə gətirilib.

Onların doğulduğu Tovuz rayonunun Dönük Qırıqlı kəndində dəfn olunacağı bildirilir.

Qeyd edək ki, dekabrın 23-də Saxalin vilayətində Elnur Həsənovun idarə etdiyi “Toyota Kluger” markalı avtomobil Oqonki-Nevelsk yolunun 6-cı kilometrində avtokranla toqquşub. E. Həsənovu yuxu tutduğundan, o, yolun kənarında dayanmış avtokranı görməyib. Avtomobil yüksək sürətlə avtokrana çırpılıb. Nəticədə ata və oğul hadisə yerində ölüb. Cənubi Saxalində hava vəziyyəti pis olduğundan, həmyerlilərimizin meyitlərinin Azərbaycana göndərilməsi yubanmışdı.

Həmçinin oxuyun

1,2 milyonluq dələduzluqda ittiham olunan iş adamı azadlığa buraxıldı – 7 il cəza almışdı

Dələduzluqda təqsirləndirilən “MİR” avtosalonunun sahibi Məhərrəm Əhədov azadlığa buraxılıb. Qaynarinfo-nun əldə etdiyi məlumata görə, 1974-cü il …