Rusiya yük daşımasında Azərbaycan və İranla birgə layihələr barədə razılığa gəlib

Rusiya konteyner yüklərin tədarükü üçün potensial marşrtular axtarırır və xidmət spektrını genişləndirməyə çalışır. Bu istiqamətdə Azərbaycan, İran və Rusiya birgə layihələr barədə razılığa gəlib.

“Report”un “Rusiya mətbuatına istinadən verdiyi məlumata görə, bunu Soçidə keçirilən “Strateji əməkdaşlıq 1520″adlı dəmiryolu forumunda “Rusiya Dəmir Yolları” ASC-nin (RDY) prezidenti Oleq Belozyorov bildirib.

“Burada Uzen (Qazaxıstan) – Gürgan (İran), Rəşt – Astara istiqamətində yükdaşımalar nəzərdə tutulur. Dəmiryolu vasitəsilə yükdaşımanın inkişafın variantlarından biri də şimaldan cənuba olan istiqamətdir. Belə ki, yeni razılaşma yükdaşıma həcminin Rusiya-İran istiqamətində 25% artırmağa imkan verəcək”, – deyə O. Belozyorov bildirib.

“Rusiya Dəmir Yolları” ASC yeni nəqliyyat dəhlizləri, məhz Murmanskdan keçərək qərbi Çindən ABŞ-ın şərq sahillərinə yük daşımaların həyata keçirilməsi planını hazırlayır. Bu istiqamətdə məsafə həm üç dəfə qısa, həm də maliyyə baxımından əsaslandılır.

Bundan başqa, daha belə bir “yeni dəhliz” – Taman limanı vasitəsilə Qara dənizə Avropanın cənubuna çıxışdır. Eyni zamanda bunundan əlavə, bu il Baltik dənizinə – Primorks və Vısotsk limanlarına olan dəmir yolu çıxışlarının tikinti və yenidənqurması işləri də yekunlaşır.
RDY-nın şərqdən qərbə (“İpək yolu” layihəsi) daşımalarının inkişaf perspektivlərinə gəldikdə isə O.Belozyorov bildirib ki, Baykal-Amur Magistralı, Transsibir Dəmiryolu Magistralının ötürmə qabiliyyətini yüksəltmək, “Primorye-1”, “Primorye-2” qollarının təkmilləşdirilməsi hesabına daşımaların həcmini artırmaq olar: “Şəbəkəyə daha çox yük cəlb etmək və müştərilər üçün dəmiryolunu daha çəkici etmək üçün RDY limanların və digər nəqliyyat növlərinin kapitallarında iştirak etmək, yeni servislər inkişaf etdirməyə hazırdır”.