Ana səhifə / Kriminal / Qoca Səmədovun səhhəti yenidən pisləşib, müalicə müəssisəsinə köçürülüb

Qoca Səmədovun səhhəti yenidən pisləşib, müalicə müəssisəsinə köçürülüb

Yevlax Şəhər İcra Hakimiyyətinin həbsdə olan sabiq icra başçısı Qoca Səmədovun səhhəti yenidən pisləşdiyindən Ədliyyə Nazirliyi Penitensiar Xidmətinin müalicə müəssisəsinə köçürülüb.

Bu barədə “Report”a onun vəkili Elnur Vəliyev məlumat verib.

Onun sözlərinə görə, hazırda keçmiş icra başçısının səhhəti ağırlaşıb: “Qoca Səmədovun dördüncü ürək əməliyyatından sonra səhhəti daha da pisləşməyə doğru gedir. Belə ki, artıq onun ağciyərlərinə su yığılıb və ayaqları şişib. Onun müalicəsi müalicə müəssisəsində davam etdirilir”.

Xatırladaq ki, Q.Səmədov daha əvvəl ürəyindən dörd dəfə əməliyyat olunmuşdu.

Qeyd edək ki, 2019-cu ilin noyabr ayınadək Yevlax Şəhər İcra Hakimiyyətinin başçısı vəzifəsində işləmiş Q.Səmədov Dövlət Təhlükəsizliyi Xidmətinin keçirdiyi əməliyyat zamanı saxlanılıb.

Şəki Ağır Cinayətlər Məhkəməsinin hökmü ilə o, 7 il 3 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib. Şəki Apellyasiya Məhkəməsinin qərarına əsasən, Q.Səmədovun cəzası 6 ilə endirilib.

Həmçinin oxuyun

Feyziyevdən sonra daha bir oliqarx ifşa edildi – London məhkəməsində iş açıldı

Londonda çirkli pulların yuyulması ilə bağlı irimiqyaslı beynəlxalq əməliyyatla əlaqədardaha bir azərbaycanlı milyonçunun məhkəməsi başlayıb.Britaniya …