Qaz xəttinin çəkilişində “Azəriqaz”ın işçisi yaralandı

Bakıda qaz xəttinin çəkilməsi zaman “Azəriqaz” İstehsalat Birliyinin əməkdaşı xəsarət alıb.

” Azinforum.az ” Trend-ə istinadən xəbər verir ki, hadisə paytaxtın Suraxanı rayonu, Yeni Günəşli qəsəbəsində baş verib.

Qəsəbənin “D” massivində qaz xəttinin yenilənməsi zamanı xətt birləşdirilərkən orada işləyən “Azəriqaz” İstehsalat Birliyinin Tikinti İdarəsinin 2 saylı Quraşdırma sahəsinin əməkdaşı, 1988-ci il təvəllüdlü Sadıqov Səbuhi Ənvər oğlu müxtəlif dərəcəli bədən xəsarətləri alıb. O, Mərkəzi Neftçilər Xəstəxanasına yerləşdirilib.

Hazırda S.Sadıqovun hansı şəraitdə xəsarət alması ilə bağlı araşdırma aparılır.