Qadın ərinin sevgilisini bıçaqladı – Füzulidə hadisə

Füzuli rayonunda qadın qadını bıçaqlayıb.

“Qafqazinfo”nun verdiyi xəbərə görə, hadisə rayonun Fin şəhərciyində baş verib.

Ailəli olan kişi başqa bir qadınla sevgili olub və mütəmadi görüşüb. Onun arvadı da bu hadisədən məlumatlı olub. Ərini izləyən qadın onun başqa qadınla görüşdüyünün şahidi olub. Onların birgə olduğu evə gələn qadın ərinin sevgilisinə çoxsaylı bıçaq zərbəsi vurub. Yaralı olan qadın xəstəxanaya yerləşdirilib və onun həyatını xilas etmək mümkün olub.

Hadisəni törədən qadın isə saxlanılıb.

Füzuli Rayon Polis Şöbəsindən “Qafqazinfo”ya faktı təsdiqləyiblər. Şöbədən bildirilib ki, hadisə ailə məsələsi olduğu üçün adlar açıqlanmır. Hazırda istintaq davam etdirilir.