Çərşənbə , Sentyabr 18 2019
Ana səhifə / Kriminal / Oğuz və İsmayıllıda kömür quyusu yaradanlar məsuliyyətə cəlb edildi

Oğuz və İsmayıllıda kömür quyusu yaradanlar məsuliyyətə cəlb edildi

Ekologiya və Təbii Sərvətlər Nazirliyi (ETSN) Ətraf Mühitin Mühafizəsi Departamentinin əməkdaşları tərəfindən respublika ərazisində yerli meşə materiallarının qanunsuz yolla əldə edilməsi, daşınması və satışı hallarının qarşısının alınması məqsədilə növbəti reyd keçirilib.

ETSN-dən virtualaz.org-a verilən məlumata görə, Oğuz və İsmayıllı rayonlarında keçirilən reyd zamanı ağac kömürü hazırlanması məqsədilə həyətyanı torpaq sahələrində quyuların qazıldığı və qanunsuz yolla əldə olunmuş meşə materiallarından istifadə edildiyi aşkar olunub.

Araşdırma zamanı quyuların Oğuz rayon sakinləri Ramin İsmayılov, Etibar Əzizov, İlqar Məhərrəmov, Yolçu Əzizov, Vaqif Rüstəmov, Eldar Rüstəmov, Əbdüləli Rüstəmov, Fərhad Səmədov, Rövşən Qazıyev, Rauf Hacıbabayev, Natiq Qasımov, Mehman Xeyirov, Şahin Xeyirov, Vüsal Əzizov və İsmayıllı rayon sakini Kamil Mürsəliyev tərəfindən yaradıldığı və meşə fonduna 1326.51 manat məbləğində ziyan dəydiyi müəyyən edilib.

Faktla bağlı akt və protokollar tərtib olunub, qanun pozucuları ümumilikdə 4500 manat məbləğində cərimə edilib.

Kömür quyularının ləğv edilməsi üçün torpaq mülkiyyətçilərinə icrası məcburi olan müddətli “məcburi göstəriş”lər verilib.

Həmçinin oxuyun

13 yaşlı oğlan anasına mesaj yazanı bıçaqladı – Azərbaycanda

Nəsimi rayonunda bıçaqlanma hadisəsi baş verib. Rayonun Azadlıq prospektində ticarət mərkəzinin qarşısında 1992-ci il təvəllüdlü …