Çərşənbə axşamı , Oktyabr 27 2020
Ana səhifə / Kriminal / Mingəçevirdə məhkəmə zalında qətl – Qadın öldürüldü

Mingəçevirdə məhkəmə zalında qətl – Qadın öldürüldü

Mingəçevir şəhərində kişi keçmiş arvadını bıçaqlayaraq qətlə yetirib. Hadisə Mingəçevir Şəhər Məhkəməsində, məhkəmə zalında olub. Mingəçevir şəhər sakini, 1981-ci il təvəllüdlü Əliyev Xalid Arif oğlu məhkəmə prosesi zamanı, hakimin gözü qarşısında keçmiş həyat yoldaşı, 1977-ci il təvəllüdlü Nəbiyeva Təranə Fərmail qızına hücum edərək üzərində gəzdirdiyi bıçaqla onun baş, boğaz və ürək nahiyəsindən bıçaq xəsarətləri yetirib.

Məlumata görə, ər və arvad 4 il əvvəl boşanıb və bir uşağı olan qadın alimentin artırılması üçün məhkəməyə müraciət edib. Məhkəmə prosesi zamanı qadın və kişi arasında mübahisə yaranıb. Əsəbiləşən keçmiş ər arvadını amansızlıqla qətlə yetirib.

Qadın ağır vəziyyətdə Mingəçevir şəhər Mərkəzi Xəstəxanasına aparılarkən yolda dünyasını dəyişib. Faktla bağlı Mingəçevir şəhər Prokurorluğu tərəfindən araşdırma aparılır. (APA)

Həmçinin oxuyun

Bakıda bank işçisindən iş yoldaşına qarşı cinayət — Təfərrüat

Bakıda dələduzluq etməkdə ittiham olunan 1978-ci il təvəllüdlü Səbuhi Əhmədovun cinayət işi üzrə məhkəmə prosesi …