Azinforum.az İnformasiya Portalı Onlayn Xəbər Portalı
Son dövrlər mənzil bazarında qiymətlərin düşdüyü bildirilsə də, bəzi ekspertlər bunu təsdiq etmir. Onların fikrincə, Bakıda mənzilə olan tələb hələ də yüksəkdir və belə olan halda qiymətlərin kəskin düşməsi gözlənilmir.
Son bir neçə aydır mənzil bazarında qiymətlərin düşdüyü haqda məlumatlar yayılsa da, bəzi mütəxəssislər bu enmənin çox az həddə baş verdiyini və müvəqqəti xarakter daşıdığını deyirlər. Yəni bəzi iş adamları devalvasiyadan sonra nağd pul əldə etmək üçün əmlaklarını ucuz qiymətə satmaq istədiklərindən bazarda cüzi enmə müşahidə olunub.
Ekspertlərin bildirdiyinə görə, mövcud vəziyyət bazarda qiymətlərin stabil olduğunu göstərir. Yəni şəhərin mərkəzi hissələrində mənzillərin kvadratmetri hələ də 2000-4000 manat arasında dəyişir. Alıcıların əsas marağı isə şəhərdən nisbətən kənarda olan binalaradır.
Tələb isə kifayət qədər yüksək olduğundan yaxın aylarda mənzil bazarındakı qiymətlərin kəskin enməsi proqnozlaşdırılımır.
Xəzərxəbər.com
