“Lotu Quli”nin adamı alt paltarında saxlanıldı – TƏFƏRRÜAT (FOTOLAR)

Xəbər verdiyimiz kimi Qazaxıstan hüquq-mühafizə orqanları əməkdaşları Gürcüstan və Azərbaycanda cinayətkar fəaliyyətlə məşğul olan azərbaycanlını saxlayıblar. O, Şuçinskdə qaldığı mehmanxana nömrəsində yaxalanıb.

Unikal.org-un əldə etdiyi məlumata görə, saxlanılan şəxsin anket məlumatları dəqiqləşdirilərkən onun Azərbaycan vətəndaşı olduğu məlum olub. Qanuni oğrunun üzərindən Azərbaycan Respublikasına məxsus Ümumvətəndaş pasportu aşkarlanıb. Pasportun yarım il əvvəl alındığı məlum olub. Həmçinin o da məlum olub ki, saxlanılan Orxan Əliyev “Lotu Quli”nin Qazaxıstanda olan yaxın adamıdır.

Qeyd edək ki, “Lotu Quli” ləqəbli Nadir Səlifovun həbsinə qədər Orxan kriminal aləmdə və geniş dairələrdə o qədər də tanınmayıb.