Cümə axşamı , Mart 28 2024
Ana səhifə / Kriminal / “Laçın” restoranı satışa çıxarıldı – 420 min manata

“Laçın” restoranı satışa çıxarıldı – 420 min manata

Əmlak Məsələləri Dövlət Komitəsi tərəfindən 10 yanvar 2017-ci il tarixində keçiriləcək yeni hərraca 20 səhmdar cəmiyyəti, 44 kiçik dövlət müəssisə və obyekti, 15 istifadəsiz qeyri-yaşayış sahəsi olmaqla ümumilikdə 79 əmlak çıxarılıb.

Komitənin mətbuat xidmətindən “Qafqazinfo”ya daxil olan xəbərə görə, hərraca çıxarılan kiçik dövlət müəssisəsi və obyektləri paytaxtla yanaşı, Xaçmaz, Gəncə, Mingəçevir, Göyçay, Cəlilabad, Masallı və digər bölgələrdə yerləşir. Özəlləşdirilməyə çıxarılan bir çox əmlakların torpaq sahəsi və üzərindəki tikili ayrı-ayrılıqda qiymətləndirilib. Hərracda ən yüksək qiymətə, yəni 717 min 600 manata təklif olunan əmlak paytaxtın Binəqədi rayonunda yerləşən “Araz” Avtomotoservis müəssisəsidir.

Yüksək start qiyməti təyin olunan digər əmlak isə Nəsimi rayonunda yerləşən və 474,8 kv.m. torpaq sahəsi olan qeyri-yaşayış binasıdır. Belə ki, bu əmlak 624 min manat ilkin satış qiyməti ilə hərraca çıxarılıb.

Qaradağ rayonunda yerləşən və torpaq sahəsi 14451,8 kv.m. olan Metal və ərzaq anbarı isə 300 min manata, Sumqayıt şəhərindəki “Laçın” restoranı isə 410 min manata təklif olunur. Regionlarda isə yüksək start qiyməti ilə cəlb edən əmlak Qusarda yerləşən Kərpic sexidir. 170160 kv.m. torpaq sahəsi olan bu müəssisə 420 min manata təklif olunur.

Bu dəfəki hərraca çıxarılan səhmdar cəmiyyətləri məişət, təmir-tikinti, sənaye, aqrar, nəqliyyat, inşaat, istehsal və s. sahələrə aiddir. Müxtəlif şəhər və rayonlarda yerləşən belə iri müəssisələr sırasında “Ağsu Sənaye İnşaat”, “Azinterservis”, “Daşkəsən Aqrotexservis”, “Sabirabad Mexanikləşdirmə”, “Xəzər Avtonəqliyyat”, “Salyan Kəndkimya” kimi səhmdar cəmiyyətlər var.

Həmçinin oxuyun

3 azyaşlı uşaq anası məhkəmə zalında həbs edildi: əri ondan şikayətçi oldu

Bakının Qaradağ rayonu, Qızıldaş qəsəbəsində həyat yoldaşına balta ilə xəsarət yetirməkdə ittiham olunan Lalə İmaşova …

Bir cavab yazın