Ana səhifə / Kriminal / Lənkəranskinin atasının güllələnməsinin gizli məqamları: Sabiq daxili işlər naziri açıqladı

Lənkəranskinin atasının güllələnməsinin gizli məqamları: Sabiq daxili işlər naziri açıqladı

Bir müddətdir ki, ötən il İstanbulda güllələnmiş kriminal aləmdə Rövşən Lənkəranski kimi tanınan Rövşən Rafiq oğlu Canıyev haqqında silsilə yazılar təqdim edilir
Azinforum.az xəbər verir ki, milli azadlıq hərəkatının liderlərindən biri, keçmiş daxili işlər naziri İsgəndər Həmidov Moderator.az-a açıqlamasında Rövşən Canıyevin atasının güllələnməsi barədə tarixi danışıb:
“Həmin vaxtı rayonlarda özbaşınalıq idi. Bölgələri bölmüşdülər. Bir qrup dəstələr var idi ki, onlar adamlardan pul tələb edirdilər. Rövşənin atası Rafiq çox yaxşı adam idi, tanıyırdım. O, Astaraya gedəndə həmin dəstələr onun avtomobilini saxlayıb onu güllələmişdilər. Rövşənin atasını Astara rayonundan olan Sovet adlı bir nəfər güllələmişdi. Rövşən də məhkəmədə Soveti güllələdi. Rövşənin uşaq yaşında bu addımı atmasının özü elə böyük bir cəsarət idi”.
İ.Həmidov cinayətkar dəstə ilə əlaqələri olduğu üçün Astara polisində köklü dəyişiklik etdiyini bildirib:
“Biz əməliyyat hazırladıq və Astara rayonunun Şaxağac kəndində əməliyyat keçirdik. Astarada cinayətkar dəstə ilə əlaqələri olduğu üçün Astara polisində də köklü dəyişiklik etdim. Bu dəstələr gömrükə nəzarət edirdilər. Həc ziyarətindən gələn insanların qabağını kəsib onları soyurdular. Bunlar sovet dövründən qalmış 10-12 nəfər adam idi, İrandan, Türkiyədən gələn avtobusları saxlayıb soyurdular”.

Həmçinin oxuyun

Çingizi arvadı ifşa edibmiş – Mərhum nazirin oğlu da dindirilib

Xəbər verdiyimiz kimi, Bakı Şəhər Halqası Əməliyyat şirkətinin İdman Əməliyyatları şöbəsinin rəisi işləmiş Çingiz Mehdiyev …