Şənbə , Aprel 20 2024
Ana səhifə / Kriminal / Ləğv edilmiş MTN-in sabiq əməkdaşı və biznesmen qətlə yetirilib

Ləğv edilmiş MTN-in sabiq əməkdaşı və biznesmen qətlə yetirilib

Ləğv edilmiş Milli Təhlüksizlik Nazirliyinin sabiq əməkdaşı Xətai rayonunda odlu silahla qətlə yetirilib.

Bu barədə Xətai rayon Polis İdarəsindən məlumat verilib.

Rayon prokurorluğunun məlumatına görə isə öldürülən şəxs 45 yaşlı Vahabov Fariz Mirzahid oğludur. Cinayət dekabrın 20-də Vahabovun yaşadığı evin həyətində baş verib. O, saat 19:26-da evə qayıdıb maşınını parklamaq istəyərkən naməlum şəxs ona bir neçə dəfə atəş açıb. Güllələrin ikisi Vahabova dəyib, biri sifətindən, digəri isə sinəsindən. O, hadisə yerindəcə keçinib.

Qatil hadisə yerindən qaçıb gizlənib və hələlik saxlanılmayıb. Hazırda hadisə yerində istintaq-əməliyyat qrupu işləyir. Hələlik killerin hansı silahdan atəş açdığı məlum deyil. Hüquq-mühafizə orqanlarının əməkdaşları atəş açanın şəxsiyyətini müəyyənləşdirməyə çalışırlar.

İlkin məlumata görə, Vahabov əvvəllər MTN-in əməkdaşı olub. Lakin səhhətində yaranmış problemlə əlaqədar olaraq oradan çıxıb. Sonra Vahabov bizneslə məşğul olub. İstintaqın bu günə olan daha inandırıcı versiyasına görə, qətlin törədilməsində biznes maraqların toqquşmasının rolu ola bilər.

Qəsdən adamöldürmə faktı ilə bağlı cinayət işi açılıb, istintaq davam edir.

Həmçinin oxuyun

Talassemiyalı uşaqlar üçün toplanmış pulları ələ keçirənlərin məhkəməsi: “İşi ürək ağrısı ilə oxumuşuq”

Talassemiyadan əziyyət çəkən uşaqlar üçün toplanmış pulları ələ keçirməkdə ittiham olunan “Urmedhelp” və “My Doc …