Şənbə , Oktyabr 31 2020
Ana səhifə / Kriminal / Krediti olanlara güzəştlə bağlı yeni təklif – VIDEO

Krediti olanlara güzəştlə bağlı yeni təklif – VIDEO

Banklar imkanlar daxilində müştərilərinə güzəştlər etməyə çalışır. Lakin mövcud qanunlar bunu əsaslı şəkildə etməyə imkan vermir.

Fins.az xəbər verir ki, bu barədə Azərbaycan Banklar Assosiasiyasının Bank Tədris Mərkəzinin direktoru Cavanşir Abdullayev bildirib. Onun sözlərinə görə, bank müştərisinə böyük güzəşt edəndə əlavə vergi ödəməli olur.

Yəni əslində vergini guya endirim sayəsində gəlir əldə edən müştəri ödəməlidir. Ancaq bunu faktiki olaraq banklar yerinə yetirir. Bu isə banklara sərf etmədiyindən, borcalanları güzəşt imkanından məhrum edir. Mərkəz direktoru hesab edir ki, Vergi Məcəlləsindəki bu maddə maliyyə xidmətlərinə şamil edilməməlidir.

Digər bir məsələ məhkəmə rüsumları ilə bağlıdır. Yəni vətəndaş götürdüyü krediti ödəyə bilmirsə və iş məhkəməyə gedirsə, girovun qiymətinin 7 faizi civarında məhkəmə rüsumu da elə vətəndaş tərəfindən ödənilməlidir.

Bu isə vətəndaş üçün əlavə xərc deməkdir. Məhz bu səbəbdən Mərkəzi Banka təqdim olunan təkliflər sırasında məhkəmə icrası üzrə rüsumun azaldılması da var.

Həmçinin oxuyun

Bakıda bank işçisindən iş yoldaşına qarşı cinayət — Təfərrüat

Bakıda dələduzluq etməkdə ittiham olunan 1978-ci il təvəllüdlü Səbuhi Əhmədovun cinayət işi üzrə məhkəmə prosesi …

Bir cavab yazın