Cümə , Yanvar 22 2021
Ana səhifə / Kriminal / İstehlak kreditləşməsi son 2 ilin minimum həddinə enib

İstehlak kreditləşməsi son 2 ilin minimum həddinə enib

Bu il iyulun 1-nə Azərbaycanda ev təsərrüfatlarına kredit qoyuluşunun həcmi 6 911,9 mln. manat təşkil edib.

Mərkəzi Bankdan verilən xəbərə görə, bu istiqamətdə kreditləşmə aylıq müqayisədə 20,8 mln. və ya 0,3%, ötən ilin müvafiq dövrünə nisbətən 972,7 mln. manat və ya 12,3%, ilin əvvəlindən isə 1471,7 mln. manat və ya 17,6% azalıb.

Hesabata əsasən, kreditlərin 1588,4 mln. manatı ipoteka kreditləri də daxil olmaqla daşınmaz əmlakın tikintisinə və alınmasına yönəldilib. Bu kreditlərin həcmi əvvəlki ayla müqayisədə 0,95% və ya 14,9 mln. manat, ilin əvvəlindən 46,0 mln. manat və ya 2,98% artıb, əvvəlki ilin müvafiq dövrünə nisbətən 225,0 mln. manat və ya 16,5% artıb.

Ev təsərrüfatlarına kreditlərin ölkə iqtisadiyyatına qoyulan kreditlərdə xüsusi çəkisi əvvəlki ayla müqayisədə 0,6 faiz bəndi azalaraq 37,5% təşkil edib.

Qeyd edək ki, ev təsərrüfatlarına kredit qoyuluşunun həcmi iyulun 1-nə iki illik minimuma enib. Belə ki, cari il iyulun 1-nə olan göstərici 2014-cü il iyulun 1-dən bu yana qeyd alınan ən aşağı göstəricidir. Həmin tarixdə bu sahəyə kreditlərin həcmi 6819,9 mln. manat təşkil edib və iyul ayından artmağa başlayıb və avqustun 1-nə 6986,1 mln. manat olub.

Həmçinin oxuyun

Cinayət Məcəlləsində “Sülh və insanlıq əleyhinə cinayətlər” bölməsi yeni redaksiyada müzakirə ediləcək

Cinayət Məcəlləsinin Xüsusi hissəsinin “Sülh və insanlıq əleyhinə cinayətlər” bölməsinin yeni redaksiyasının layihəsi parlamentin yaz …

Bir cavab yazın