Cümə axşamı , Fevral 2 2023
Ana səhifə / Kriminal / İntim görüntüləri yayılan FHN polkovnikinin məhkəməsi qapalı keçiriləcək

İntim görüntüləri yayılan FHN polkovnikinin məhkəməsi qapalı keçiriləcək

Bakı Ağır Cinayətlər Məhkəməsində Fövqəladə Hallar Nazirliyinin (FHN) Dövlət Yanğından Mühafizə Xidmətinin rəisinin sabiq köməkçisi, həbsdə olan polkovnik Zaur Mirzəyevin cinayət işi üzrə məhkəmənin hazırlıq iclası keçirilib.

Hakim Məhəmməd Əkbərovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib. FHN polkovnikinin məhkəməsi qapalı keçiriləcək.

Qeyd edək ki, Zaur Mirzəyev Cinayət Məcəlləsinin 156.2.1 (şəxsi həyatın toxunulmazlığını pozma), 242 (pornoqrafik materialları və ya əşyaları qanunsuz yayma) və 309.2-ci (vəzifə səlahiyyətlərini aşma) maddələri ilə ittiham olunur. O, bu ilin avqustun 17-də saxlanılıb və məhkəmənin qərarı ilə barəsində həbs qətimkan tədbiri seçilib.

Xatırladaq ki, Zaur Mirzəyev xidməti kompüterinə xüsusi proqram vasitəsilə gizli kamera quraşdıraraq, qadınlarla 2013-cü ildən başlamaqla 2019-cu ilin sonlarınadək iş otağında intim münasibətdə olarkən video və foto çəkilişlər aparıb, hazırlanmış qanunsuz pornoqrafik materialların 2022-ci ilin avqust ayında internet şəbəkələrində yayılmasına səbəb olub. Trend

Həmçinin oxuyun

Keçmiş arvadının evinə gedərək qarşısına çıxanı BIÇAQLADI – VİDEO

Gəncədə bir ailənin 3 üzvü bıçaqlanıb. Bu azmış kimi kömək üçün gələn qonşu da xəsarət …