Bazar , Yanvar 23 2022
Ana səhifə / Kriminal / İki giziri və bir zabiti öldürən çavuş saxlanıldı

İki giziri və bir zabiti öldürən çavuş saxlanıldı

Sentyabrın 2-i saat 18:00 radələrində Dövlət Sərhəd Xidmətinin Sərhəd Qoşunlarının “Qubadlı” əlahiddə sərhəd diviziyasının xidməti ərazisində sərhəd zastavasının hərbi qulluqçuları baş leytenant İsmayılov Yusif İsmayıl oğlunu, kiçik gizir Cəlilzadə Amil Fuar oğlunu və kiçik gizir İbrahimov Rəfail Natiq oğlunu xidməti silahından atəş açmaqla qətlə yetirən müddətdən artıq həqiqi hərbi xidmət hərbi qulluqçusu baş çavuş Əvəzli Elxan Məhəmməd oğlu sentyabrın 3-nə keçən gecə 01:00 radələrində tutulub.
“Rupor”a daxil olan məlumata görə, hərbçi yoldaşlarının qətlində şübhəli bilinən Elxan Əvəzlinin hansı şəraitdə saxlanıldığı barədə dəqiq xəbər verilmir.
DSX daxilində iki fərqli xəbər yayılıb. Birinci xəbərə görə, kiçik çavuş ərazidən bir kilometr kənardakı meşəlikdə gizləndiyi yerdə tutulub, ikinci xəbərə görə, o, hadisədən 5-6 saat sonra geriyə dönərək təslim olub.
Xatıraladaq ki, DSX dünən axşam saatlarında hadisə ilə bağlı rəsmi məlumat yaymışdı və kiçik çavuş Elxan Əvəzlinin silahını ataraq hadisə yerindən qaçdığı, həmin vaxtdan axtarışlara başlandığı, Baş Prokurorluğun əməkdaşları ilə birgə müvafiq tədbirlər həyata keçirildiyi bildirilmişdir.

Həmçinin oxuyun

Tağı Əhmədovdan sələmə 2 milyon pul götürən sabiq polis həbs edildi

AMEA Riyaziyyat və Mexanika İnstitutunun direktor müavini, professor Soltan Əliyevə qarşı dələduzluqda ittiham olunan, məhkəmə …