Çərşənbə , İyun 26 2019
Ana səhifə / Kriminal / İcra başçısı 300-ə yaxın it saxlayan vətəndaşı məhkəməyə verdi

İcra başçısı 300-ə yaxın it saxlayan vətəndaşı məhkəməyə verdi

Xəzər Rayon İcra Hakimiyyətinin başçısı çox it saxlayan rayon sakininə qarşı iddia qaldırıb. “Qafqazinfo”nun verdiyi xəbərə görə, başçı Gülağa İslamov Xəzər Rayon Məhkəməsinə müraciət edərək Mərdəkan qəsəbəsindəki həyətində 300-ə yaxın it saxlayan vətəndaş Eldar Mansurovun ev heyvanı saxlamaq hüququndan məhrum edilməsini istəyib.

G.İslamov iddia ərizəsində qeyd edib ki, bu barədə qəsəbə sakinləri İcra Hakimiyyətinə müraciət edərək itlərin ətrafda narahatlıq və antisanitar şəait yaratdığını bildiriblər.

Bununla bağlı müvafiq orqanlar E.Mansurovun həyətinə baxış keçirib 300-dən çox it saxlanıldığını aşkar ediblər. Buna görə də həmin şəxs müəyyən olunan saydan artıq it saxladığı üçün Xəzər Rayon 1-ci Polis Bölməsi tərəfindən İnzibati Xətalar Məcəlləsinin 290.1.3-cü maddəsinə (it və pişiklərin müvafiq icra hakimiyyəti orqanının müəyyən etdiyi saydan artıq saxlanılmasına) görə 200 manat cərimə olunub.

Hazırda G.İslamovun E.Mansurova qarşı iddia ərizəsində Xəzər Rayon Məhkəməsində baxılır. Prosesin ilkin hazırlıq iclası keçirilib. Baxış iclası isə sentyabrın 28-nə təyin edilib.

Həmçinin oxuyun

Azərbaycanlı biznesmenin 2.5 milyonunu oğurladılar

Azərbaycandan olan biznesmen Rusiyanın Sankt-Peterburq şəhərində, Petrovsk sahilboyunda yerləşən yapon restoranında öz həmyerlisi ilə yemək …