Çərşənbə axşamı , Yanvar 25 2022
Ana səhifə / Kriminal / “Həmin qadın kameraya düşüb, üzündə maska var” – Oğurlanan uşağın anası

“Həmin qadın kameraya düşüb, üzündə maska var” – Oğurlanan uşağın anası

“Üzündə maska olan o qadın həmin yerə bir neçə dəfə gəlib. Amma mən onu tanımıram. Uşağı götürüb aparmasını da videoda görmədik”.

” Azinforum.az ” xəbər verir ki, bu sözləri 9 gün öncə Bakıda itən 2 yaşlı uşağın anası Reyhan Şıxəliyeva ARB telekanalında yayımlanan “Səni axtarıram” proqramında deyib. Uşağı bir qadının apardığı iddialarına aydınlıq gətirən ana həmin insanı tanımadığını bildirib:

“5 övladım var. Həyat yoldaşım fəhlə işləyərək ailəni dolandırır. Məhəmməd evimizin ən balacasıdır. Uşaqlar deyirdi ki, oğlumu bir qadın gəlib aparıb. Ərazidə olan kameraya da həmin qadının görüntüləri düşüb, üzündə maska var. Həmin yerə gəlib, amma uşağı götürüb aparması görüntüyə düşməyib. Mən o qadını tanımıram, evimizə necə gəldiyini də bilmirəm. Heç kimə borcumuz da yoxdur”.

Azyaşlının anası onu da əlavə edib ki, hadisə baş verməzdən təxminən iki həftə öncə efirə çıxmaq istəyib: “Biz istəyirdik ki, verilişə çıxıb kömək istəyək. Uşaqlarla birlikdə sığınacağa yerləşək. Uşaqlarımızdan ikisi xəstədir. Autizmdən əziyyət çəkirlər və danışa bilmirlər”.

Qeyd edək ki, hadisə dekabrın 29-u Sabunçu rayonunda baş verib. Ailə üzvlərinin sözlərinə görə, yaşlı bir qadın evə girərək oradan 2 yaşlı Məhəmmədi oğurlayıb.

Ailənin digər dörd azyaşlı övladı dövlət tərəfindən sığınacağa yerləşdirilib.

Həmçinin oxuyun

Azərbaycanda tanınmış idmançının maşını polis idarəsində qarət olundu

Azərbaycanın tanınmış idmançı Gözəl Zutova qarət edilib. Bu barədə Lent.az-a xanım idmançı özü məlumat verib. …