Çərşənbə , İyun 19 2019
Ana səhifə / Kriminal / Həkim ailəsini aldadan falçı qadınlar hakim qarşısına çıxarıldı

Həkim ailəsini aldadan falçı qadınlar hakim qarşısına çıxarıldı

Dünən Bakı Ağır Cinayətlər Məhkəməsində külli miqdarda dələduzluqda təqsirləndirilən Cavadova Venera Nailyevna və Şahverdiyeva Könül İsrəfil qızının məhkəmə prosesi keçirilib.

Oxu.Az xəbər verir ki, hakim Eldar İsmayılovun sədrliyi ilə keçirilən prosesdə hər iki şəxs özünü elan olunmuş ittihamla qismən təqsirli bilib.

Məlum olub ki, Venera Cavadova zərərçəkmiş Aysel Bayramovanın evində uşağının dayəsi işləyib. Veneranın rəfiqəsi Könüllə başqa şəxslərə külli miqdarda borcları olub. V.Cavadova rəfiqəsi Könülün falçılıqla məşğul olduğunu deyərək, A. Bayramovanın uşağının problemini həll edəcəyini vəd edib. Buna görə ondan və digər şəxslərdən ayrı-ayrılıqda 60 min manatdan çox pul alıb.

Qeyd edək ki, zərərçəkmiş Aysel Bayramova 1 saylı Kliniki Tibbi Mərkəzin baş həkim müavini Adil Salahovun qızıdır.

Həmçinin oxuyun

Azərbaycanda 128 kiloqram heroin tutuldu – Video

Dövlət Gömrük Komitəsi əməkdaşlarının daha bir uğurlu əməliyyatı nəticəsində 128 kq 689 qram narkotik vasitə …