Bazar ertəsi , Aprel 22 2024
Ana səhifə / Kriminal / Həbs edilən MTN generalının cəzası yenə azaldıldı

Həbs edilən MTN generalının cəzası yenə azaldıldı

Ləğv edilmiş Milli Təhlükəsizlik Nazirliyinin (MTN) Hərbi əks-Kəşfiyyat Baş İdarəsinin sabiq rəisi, general-mayor Nizami Şirinovun kassasiya şikayəti üzrə məhkəmə iclası keçirilib.
Ali Məhkəmədə hakim Nazim Mövsümovun sədrliyi ilə keçirilən prosesdə qərar elan olunub.
Qərara əsasən, Nizami Şirinovun cəzası 4 il 6 aya endirilib.
Xatırladaq ki, Bakı Hərbi Məhkəməsinin hökmü ilə Nizami Şirinov 8 il müddətinə azadlıqdan məhrum edilmişdi. Bakı Apellyasiya Məhkəməsinin qərarı ilə cəzası 6 ilə endirib.
Qeyd edək ki, ləğv edilmiş Milli Təhlükəsizlik Nazirliyinin (MTN) Hərbi əks-Kəşfiyyat Baş İdarəsinin sabiq rəisi, general-mayor Nizami Şirinov, qurumun tərkibində olan idarələrin rəisləri işləmiş Elcan Abdullayev və Elman Tahirov, əməliyyat müvəkkili işləmiş Nadir Nəzirov Dövlət Təhlükəsizliyi Xidməti (DTX) tərəfindən həbs olunub.
Nizami Şirinov Cinayət Məcəlləsinin 182.3.2 (ağırlaşdırıcı hallarda hədə-qorxu ilə tələb etmə), 193-1.3.2 (cinayət yolu ilə əldə edilmiş pul vəsaitlərini və ya digər əmlakı leqallaşdırma), 311.3.4 (ağırlaşdırıcı hallarda rüşvət alma) və digər maddələri ilə, Elcan Abdullayev, Elman Tahirov və Nadir Nəzirov həmin Məcəllənin 341.2.1, 341.2.3-cü (vəzifə səlahiyyətlərindən sui-istifadə və ya vəzifə səlahiyyətlərini aşma) və digər maddələri ilə ittiham olunublar. APA

Həmçinin oxuyun

Bakıda azyaşlıya qarşı əxlaqsızlıq edən şəxs kameralara düşdü – Video

Bakının Nərimanov rayonunda azyaşlıya qarşı əxlaqsızlıq edən şəxs kameralara düşüb. Bu barədə görüntülər sosial şəbəkələrdə …