Ana səhifə / Kriminal / Gürcüstanda 15 yaşlı azərbaycanlı qızı qaçıranlar yaxalandı

Gürcüstanda 15 yaşlı azərbaycanlı qızı qaçıranlar yaxalandı

Gürcüstanın Saqareco rayonunun azərbaycanlılar yaşayan Tüllər kəndində 15 yaşlı qızı qaçıran iki şəxs saxlanılıb.

“Report” xəbər verir ki, bu barədə Gürcüstanın Daxili İşlər Nazirliyi məlumat yayıb.

İstintaqla müəyyən olunub ki, fevralın 5-də 16 yaşlı oğlan və onun 18 yaşlı əmisi oğlu 2004-cü il təvəllüdlü qızı qanunsuz olaraq azadlıqdan məhrum ediblər. 16 yaşlı oğlan həmin qızı evlənmək məqsədi ilə qaçırıb, əmisi oğlu isə ona kömək edib.

Operativ axtarış və istintaq tədbirləri nəticəsində qızın yeri qısa vaxt ərzində müəyyən olunub və elə həmin gün o, sağ-salamat evinə qaytarılıb.

Yeniyetmə qızı qaçıranlar fevralın 8-də Dedoplitskaro rayonunda saxlanılıblar. Onlara qarşı Gürcüstan Cinayət Məcəlləsinin yeniyetmə şəxsin qanunsuz azadlıqdan məhrum edilməsi maddəsi üzrə cinayət işi açılıb. Bu cinayətə 7 ildən 10 ilədək azadlıqdan məhrumetmə cəzası tətbiq edilir.

Həmçinin oxuyun

1,2 milyonluq dələduzluqda ittiham olunan iş adamı azadlığa buraxıldı – 7 il cəza almışdı

Dələduzluqda təqsirləndirilən “MİR” avtosalonunun sahibi Məhərrəm Əhədov azadlığa buraxılıb. Qaynarinfo-nun əldə etdiyi məlumata görə, 1974-cü il …