Çərşənbə axşamı , Oktyabr 22 2019
Ana səhifə / Kriminal / Gültəkin Hacıbəylinin 2 maşınına və mənzilinə həbs qoyuldu

Gültəkin Hacıbəylinin 2 maşınına və mənzilinə həbs qoyuldu

Nəsimi Rayon Məhkəməsi sabiq deputat Gültəkin Hacıbəyli ilə keçmiş qayınanası Nəhayət Məmmədova arasında 6 ildir davam edən 50 min dollarlıq borc mübahisəsi ilə bağlı qərar verib. “Qafqazinfo” Virtualaz.org-a istinadən xəbər verir ki, hakim Pərviz Hüseynovun sədrliyi ilə keçirilən məhkəmədə Nəhayət Məmmədovanın iddiası təmin olunub.

Qərara əsasən, Gültəkin Hacıbəyli keçmiş qaynanasına 85 min manat ödəməlidir.

Qeyd edək ki, Nəhayət Məmmədova iddiasında G.Hacıbəylinin Səməd Vurğun küçəsi, 92A ünvanında yerləşən 12 saylı mənzili təmir etmək adı ilə ondan 50 min dollar məbləğdə pul aldığını bildirib. Həmin mənzil Bakı şəhər İcra Hakimiyyəti tərəfindən deputata hədiyyə edilib.

Lakin sonradan bəlli olub ki, alınan pul evin təmirinə xərclənməyib. Buna görə də Məmmədova keçmiş gəlinindən pulu tələb edib. Nəhayət Məmmədovanın şikayəti əsasında Gültəkin Hacıbəyliyə məxsus “Lexus LX 570” və “Toyota Avalon” markalı iki bahalı avtomobilinə, eləcə də mənzilinə həbs qoyulub.

Həmçinin oxuyun

“Şişkan”ın dəstəsinin öldürdüyü deputatın və ailə üzvlərinin cəsədləri 4 metr dərinlikdə tapıldı

Moskvaətrafı regionda “qanuni oğru” Oleq Şişkanovun (Şişkan) rəhbərlik etdiyi cinayətkar dəstənin üzvləri tərəfindən aradan götürülən …