Azinforum.az İnformasiya Portalı Onlayn Xəbər Portalı
Gədəbəydə iki avtomobil toqquşub, ölən və yaralananlar var.
“ Azinforum.az ” APA-ya istinadən xəbər verir ki, hadisə rayonun Gərgər kəndində baş verib.
Hərəkətdə olan iki “VAZ 2107” markalı avtomobilin toqquşması nəticəsində 6 nəfər bədən xəsarətləri alaraq rayon mərkəzi xəstəxanasına yerləşdiriliblər. Onlardan sürücülər 1973-cü il təvəllüdlü Qarayev Nail və 1974-cü il təvəllüdlü İsmayılov Aydın xəstəxanada ölüblər.
Yaralılardan iki nəfəri Gəncədə olan xəstəxanalardan birinə aparılıb.
Faktla bağlı araşdırma aparılır.
***
“Qafqazinfo” hadisə ilə bağlı Gədəbəy Rayon Mərkəzi Xəstəxanası ilə əlaqə saxlayıb. Xəstəxanadan bildirilib ki, 2 nəfər elə hadisə yerindəcə ölüb. Onların ikisi də sürücüdür. Yaralılar xəstəxanaya daxil olarkən vəziyyətləri orta-ağır olub.
Hazırda bütün yaralılar Gəncə xəstəxanasına köçürülüb, vəziyyətləri normaldır.
