Azinforum.az İnformasiya Portalı Onlayn Xəbər Portalı
Bakı Apellyasiya Məhkəməsində hədə-qorxu ilə tələb etmədə təqsirləndirilən T.İbadzadənin barəsindəki hökmdən verilən apellyasiya şikayəti üzrə məhkəmə iclası başa çatıb.
Pravda.az-ın əldə etdiyi məlumata görə, hakim Anar İbrahimovun sədrliyi ilə keçirilən prosesdə qərar elan olunub.
Qərara əsasən, apellyasiya şikayəti təmin edilməyib.
Bakı Ağır Cinayətlər Məhkəməsinin hökmü ilə o, 12 il 6 ay müddətinə azadlıqdan məhrumetmə cəzasına məhkum edilib. T.İbadzadə cəzasının ciddi rejimli cəzaçəkmə müəssisəsində çəkəcək. Zərərçəkmiş şəxs tərəfindən verilmiş mülki iddianın təmin edilməklə, 39 980 manat məbləğində pulun təqsirləndirilən şəxsdən alınaraq ona verilməsi hökm edilib. İttihama görə, təqsirləndirilən şəxs külli miqdarda əmlak əldə etmək məqsədi ilə zərərçəkmiş şəxsin haqqında rüsvayedici məlumatlar yayma hədəsi ilə özgənin külli miqdarda əmlakını hədə-qorxu ilə tələb edib. Belə ki, 1996-cı il təvəllüdlü T.İbadzadə özündən yaşca çox böyük olan zərərçəkmiş Zəminə Məlikova (şərti) ilə sosial şəbəkədə tanış olub. Daha sonra onlar cinsi əlaqəyə giriblər. Təqsirləndirilən şəxs isə intim anı zamanı qadını videoya çəkib. Daha sonra T.İbadzadə Zəminəyə həmin videoları yayacağını bildirib. O, 2021-ci ilin fevral ayından 4 noyabr 2021-ci il tarixədək olan müddət ərzində zərərçəkmiş şəxsdən külli miqdarda, yəni 54 000 manat məbləğində pulu hədə-qorxu ilə tələb edib. T.İbadzadə Zəminə Məlikovadan bu yolla ümumilikdə 41 000 manat pul alaraq ələ keçirib. Təqsirləndirilən şəxsin əməlindən bezən qadın Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə müraciət edib. Baş İdarənin əməkdaşları tərəfindən 02 mart 2022-ci il tarixdə, saat 13:35-də həyata keçirilmiş əməliyyat-axtarış tədbiri nəticəsində T.İbadzadə zərərçəkmiş şəxsdən 7 000 ABŞ dolları məbləğində pul vəsaitini ələ keçirib hadisə yerindən uzaqlaşarkən Nərimanov rayonu, F.X.Xoyski prospekti 14 ünvanının yaxınlığında saxlanılıb. O, Baş İdarəyə dəvət olunub, şəxsi axtarış keçirilərkən qeyd olunan pul vəsaiti onun şalvarının sol yan cibindən aşkar edilərək götürülüb.
