Ermənistanda təlim zamanı Su-25 hücum təyyarəsi yoxa çıxıb.
“Qafqazinfo” xəbər verir ki, bu barədə Ermənistan Müdafiə Nazirliyi məlumat yayıb. Təyyarə Gümrü aeroportundan uçuş həyata keçirib. Hazırda axtarış-xilasetmə işləri aparılır.
Nazirliyin məlumatına görə, ekipaj iki nəfərdən ibarət olub.
***
Gümrü səmasında yoxa çıxan qırıcı təyyarənin qalıqları aşkarlanıb. Bu barədə Müdafiə Nazirliyinin mətbuat xidmətinin rəhbəri Artsrun Ovannisyan feysbuk hesabında yazıb.
O bildirib ki, qəzada pilotlar – polkovnik leytenant Armen Babayan və mayor Movses Manukyan dünyasını dəyişib.