Çərşənbə axşamı , Noyabr 29 2022
Ana səhifə / Kriminal / Elçin Sadıqov Rasim Məmmədovun məhkəməsinə buraxılmadı

Elçin Sadıqov Rasim Məmmədovun məhkəməsinə buraxılmadı

Vəkil Elçin Sadıqov müdafiəçisi olduğu, hazırda həbsdə olan iş adamı Rasim Məmmədovun məhkəməsinə buraxılmayıb.

” Azinforum.az ” xəbər verir ki, bu barədə o, öz feysbuk hesabında paylaşım edib. Vəkil iddia edib edib ki, onun sözügedən prosesə buraxılmaması sifarişlidir:

“Bakı Ağır Cinayətlər Məhkəməsinə sifariş veriblər ki, məni Rasim Məmmədovun məhkəmə iclasına buraxmasınlar. Qorxurlar ki, vəsatəti yenə qaldıraram. Xahiş edirəm, məhkəmələrə deyin məni buraxsınlar”.

Qeyd edək ki, “Baku Steel Company” şirkətinin sabiq direktoru Rasim Məmmədov külli miqdarda yeyintidə ittiham olunaraq Dövlət Təhlükəsizliyi Xidməti (DTX) tərəfindən saxlanılıb. Məhkəmə zamanı onun vəkili Elçin Sadıqov da həbs edilib. Belə ki, vəkilin R.Məmmədovun ailəsindən jurnalist Əvəz Zeynallıya 20 min manat alınıb verilməsində iştirak etdiyi iddia olunub. E.Sadıqov 1 həftəlik həbsdən sonra ev dustaqlığına buraxılıb. Hazırda onun barəsindəki cinayət işi üzrə istintaq davam edir.

Həmçinin oxuyun

16 yaşlı cüdoçunu öldürən şəxs belə saxlanıldı – Video

Xəbər verdiyimiz kimi, bir neçə gün öncə Bakının Şağan qəsəbəsində qətl hadisəsi törədilib. 2002-ci il …