Ana səhifə / Kriminal / Dövlət büdcəsi: ayrı-ayrı sahələrə nə qədər vəsait ayrılır?

Dövlət büdcəsi: ayrı-ayrı sahələrə nə qədər vəsait ayrılır?

Novator.az 2017-ci ilin dövlət büdcəsindən ayrı-ayrı sahələrə nə qədər vəsait ayrılacağına nəzər salıb.

Büdcə layihəsini sentyabrın 29-da Maliyyə Nazirliyi açıqlayıb. Gəlirləri 15 milyard 955 milyon manat, xərcləri 16 milyard 600 milyon manat məbləğində təsdiq etmək nəzərdə tutulur.

Ümumi dövlət xidmətlərinə 2 milyard 997,7 milyon manat ayırmaq planlaşdırılır. Qanunvericilik və icra hakimiyyəti orqanlarının saxlanmasına 556,3 milyon manat, məhkəmə hakimiyyəti, hüquq mühafizə və prokurorluq orqanlarına 1 milyard 233,4 milyon manat nəzərdə tutulur.

Büdcənin xərc istiqamətləri üzrə seçmələr:

Sosial müdafiə və sosial təminat – 2 milyard 117,7 milyon manat

Təhsil xərcləri – 1 milyard 859,4 milyon manat

Müdafiə xərcləri ­– 1 milyard 615,3 milyon manat

Səhiyyə xərcləri – 775,7 milyon manat

Elm xərcləri – 125,3 milyon manat.

Mədəniyyət, incəsənət, informasiya, bədən tərbiyəsi sahəsinə 513 milyon manat, kənd təsərrüfatı, meşə təsərrüfatı, balıqçılıq, ovçuluq və ətraf mühitin mühafizəsinə 822,9 milyon manat ayırmaq təklif olunur.

Prezidentin ehtiyat fondunda 200 milyon manat olması nəzərdə tutulur.

Həmçinin oxuyun

1,2 milyonluq dələduzluqda ittiham olunan iş adamı azadlığa buraxıldı – 7 il cəza almışdı

Dələduzluqda təqsirləndirilən “MİR” avtosalonunun sahibi Məhərrəm Əhədov azadlığa buraxılıb. Qaynarinfo-nun əldə etdiyi məlumata görə, 1974-cü il …

Bir cavab yazın