Bazar ertəsi , May 27 2019
Ana səhifə / Kriminal / “Çox təəssüf ki, bu faktlar mediada şişirdilir” – DİN rəsmisi

“Çox təəssüf ki, bu faktlar mediada şişirdilir” – DİN rəsmisi

“Azərbaycanda çox vaxt yetkinlik yaşına çatmayanlarla bağlı cinayətlərin sayı şişirdilir”.

APA-nın məlumatına görə, bunu Milli Məclisdə keçirilən dəyirmi masada Daxili İşlər Nazirliyi Baş ictimai Təhlükəsizlik İdarəsinin şöbə rəisi Adıgözəl Adıgözəlov bildirib.

O qeyd edib ki, son 5 ildə yetkinlik yaşına çatmayan uşaqlara qarşı cinayətlərin sayında artım yoxdur: “Çox təəssüf ki, bu faktlar mediada şişirdilir”.

DİN rəsmisi yetkinlik yaşına çatmayanlara qarşı cinsi zorakılıqla bağlı faktların da şişirdildiyini bildirib. Onun sözlərinə görə, son 5 ildə bu statistikada artım yoxdur: “Təbii ki, dünyada cinayətlər var və Azərbaycan da dünyanın bir hissəsidir. İndiki zamanda hamımıza məlumdur ki, internet çox geniş yayılıb və hər bir uşaq internetdən rahat istifadə edir. Bəzən o fəsadlar da internet vasitəsilə yayılır”.

DİN rəsmisi onu da bildirib ki, son vaxtlar Azərbaycanda uşaqlar arasında aqressiya, psixoloji gərginliyin artmasına səbəb xaricdən daxil olan internet oyunları, o cümlədən digər vasitələrdir: “Bu artıq ölkədə ciddi narahatlıq doğuran fakta çevrilib”.

Həmçinin oxuyun

Bazar ertəsini sevmədiyi üçün şagirdləri güllələyən gənc qızın cinayəti… – FOTOLAR

Araşdırmalara görə, insanların ən stresli və kədərli olduğu gün həftənin bazar ertəsi günüdür. Bu sindrom …