Pakistanın İslamabad şəhərində sükan arxasında canlı yayım açan “TikTok” ulduzu, bloqqer Daniyal Xan avtomobil qəzasında həyatını itirib.
“Qafqazinfo”nun “REN TV”yə istinadən məlumatına görə, avtomobili yüksək sürətlə idarə edən Xan gözləniləmədən yük maşınına çırpılıb. İnsident nəticəsində bloqqer və onun üç sərnişini dünyasını dəyişib. Vəfat edənlərin 20-22 yaş arası gənclər olduğu bildirilir.
Qeyd edək ki, Xanın “TikTok”da 200 minə yaxın izləyici var idi.