Cümə axşamı , Oktyabr 22 2020
Ana səhifə / Kriminal / “Cənnət Park”da güclü YANĞIN – FHN-nin 4 işçisi xəstəxanalıq oldu (YENİLƏNİB)

“Cənnət Park”da güclü YANĞIN – FHN-nin 4 işçisi xəstəxanalıq oldu (YENİLƏNİB)

Abşeron rayonunun “Cənnət Park” yaşayış kompleksində baş vermiş yanğın söndürülüb.

Fövqəladə Hallar Nazirliyinin (DİN) Mətbuat Xidmətinin rəisi Gülçin Mehdiyeva Unikal.org-a bildirib ki, doqquzmərtəbəli yaşayış binasının 5-ci mərtəbəsində, ümumi sahəsi 80 m² olan 3 otaqlı mənzilin 2 otağının yanar konstruksiyaları yanıb.

O deyib ki, nazirliyin yanğınsöndürənləri yanğına müdaxilə ediblər, mənzilin qalan hissəsi yanğından mühafizə olunub: “Yanğın yanğından mühafizə bölmələri tərəfindən söndürülüb. Hadisə zamanı 1 nəfər qadın tüstüdən zəhərlənib. O, təcili tibbi yardım briqadasına təhvil verilib, 15 nəfər bina sakini isə təxliyə edilib. Bu zaman süstündən FHN 4 əməkdaşının halı pisləşib. Həmin şəxslər də həkim nəzarətindən keçib, heç bir ciddi xəsarət almayıblar”.

*** 15:55

“Cənnət Park” yaşayış kompleksində yanğın baş verib. 

TƏBİB-dən Unikal.org-a bildirilib ki, hadisə nəticəsində 4-ü FHN əməkdaşı olmaqla, 5 nəfər xəsarət alıb:
 
Bir nəfər qadın sakin sifətin və yuxarı ətrafların I və II dərəcəli yanığı diaqnozu ilə Yanıq Mərkəzinə, xəsarət alan 4 FHN işçisindən 2-si Yanıq Mərkəzinə, 2-si isə Toksikoloji Mərkəzə hospitalizə olunub. 

Xəsarət alanların vəziyyəti yaxşıdır, hal-hazırda onlara ambulator yardım göstərilir. 

Həmçinin oxuyun

Bakıda bank işçisindən iş yoldaşına qarşı cinayət — Təfərrüat

Bakıda dələduzluq etməkdə ittiham olunan 1978-ci il təvəllüdlü Səbuhi Əhmədovun cinayət işi üzrə məhkəmə prosesi …