Cümə , Avqust 14 2020
Ana səhifə / Kriminal / Bankda pulu olanlara şad xəbər

Bankda pulu olanlara şad xəbər

Azərbaycanda Əmanətlərin Sığortalanması Fondunun yeni qərarına əsasən, ölkədəki banklarda yerləşdirilmiş bütün əmanətlərin sığortalanması nəzərdə tutulur.

Baku.Ws xəbər verir ki, bu barədə fondun icraçı direktoru Azad Cavadov bildirib. Onun sözlərinə görə, bununla bağlı Mərkəzi Banka müraciət olunub.

“Bank sistemində belə bir təcrübə olduğundan bunu Azərbaycanda da tətbiqi məqsədəuyğun hesab olunur. Fondun təklifi Mərkəzi Bank tərəfindən müsbət qarşılanıb. Yaxın günlərdə hökumətin bununla bağlı qərar verəcəyi gözlənilir”, – deyə Azad Cavadov bildirib.

Qeyd edək ki, Sığorta Fondu fəaliyyətə başlayan gündən indiyə qədər banklara yerləşdirilən depozitlərə müəyyən olunmuş faizlər nisbətində sığorta tətbiq olunub. Fond sonuncu dəfə əhalinin banklarda qorunan əmanətlərin faiz dərəcəsini 9 faizdən 12 faizə qaldırmışdı. İllik 12 faizdən yuxarı əmanətlər isə sığortalanmır.

Azad Cavadovun sözlərini görə, yeni qəbul edilmiş qərardan sonra həmin faizdən yüksək olan əmanətlərin də qorunan əmanətlər qrupuna aid edilməsi nəzərdə tutulub. Fondun rəhbəri bildirib ki, 2015-ci ilin 3-cü rübünün yekunlarına əsasən, əhalinin banklardakı 7,3 milyard manat əmanətinin 2 milyardı qorunmayan əmanətlər idi. Qorunma sisteminin tam olması üçün bu məsələyə də dəyişiklik ediləcək. Əmanətlərin sığortalanması zamanı faiz və məbləğ məhdudiyyəti aradan qaldırılacaq. Yəni hazırda bir bankda 30 min manatadək əmanətlər sığortalanırsa, dəyişikliklərdən sonra bu rəqəmin sərbəst seçilməsi müəyyən olunacaq.

Həmçinin oxuyun

GENERALIN QARDAŞI OĞLU 10 KİLO HEROİNLƏ TUTULDU – Bakıda əməliyyat

Daxili İşlər Nazirliyi (DİN) Baş Narkotiklərlə Mübarizə İdarəsinin əməkdaşlarının keçirdiyi əməliyyat nəticəsində saxlanılan şəxslərdən biri …

Bir cavab yazın