“Banka borcu olan insanların kommunal təchizatının dayandırılması özbaşınalıqdır” – EKSPERT

Son vaxtlar banka borcu olan bəzi vətəndaşların kommunal təchizatının kəsilməsi ilə bağlı ölkə mediasında silsilə məqalələr yer alır.
Maraqlıdır, bank borcu olan şəxslərin işıq, qaz kimi kommunal təchizatının kəsilməsi nə dərəcədə doğrudur? Bu, ölkədəki bank ağalığının heç bir sərhəd tanımadığının isbatı sayıla bilərmi?
Məsələ ilə bağlı Moderator.az-a açıqlama verən bank məsələləri üzrə mütəxəssis Əkrəm Həsənov bunun özbaşınalıqdan başqa bir şey olmadığını vurğuladı:
“Təbii ki, banka borcu olan insanların kommunal təchizatının dayandırılması yolverilməzdir. Bu, özbaşınalıqdır. Əgər belə bir hal varsa, bunu yalnız özbaşınalıq kimi dəyərləndirmək olar. Çünki kiminsə banka borcunun olması onun kommunal təchizatının kəsilməsi üçün əsas sayıla bilməz”.