“BakıKart”ı ödəmə terminallarından da almaq mümkün oldu

Metropolitendə və “Baku Bus” avtobuslarında istifadə olunan “BakıKart”ı həm də “MilliÖN” ödəmə terminallarından əldə etmək mümkün oldu.

Bu barədə virtualaz.org-a “Baku Bus” MMC-nin mətbuat xidmətinin rəhbəri Nuridə Allahyarovanın bildirib.

Bakı şəhərinin 50 avtobus dayanacağında MilliÖN aparatlarının quraşdırıldığını deyən qurum rəsmisinin sözlərinə görə, tezliklə bu rəqəmin 500 olacağı gözlənilir.

Qeyd edək ki, daha əvvəl sərnişinlər bu kartları metrostansiyaların vestibüllərində və “BakuBus” MMC-yə məxsus olan marşrutların Bakı şəhərindəki dayanacaqlarında quraşdırılmış yeni terminallardan əldə edə bilirdilər.