Cümə , Sentyabr 21 2018
Ana səhifə / Kriminal / Bakıda polisə yalan məlumat verən şəxs tutuldu

Bakıda polisə yalan məlumat verən şəxs tutuldu

Xətai rayonunda polisə bilərəkdən yalan məlumat verən şəxs saxlanılıb.
DİN-in mətbuat xidmətindən Moderator.az-a bildirilib ki, Bakı şəhər sakini Yalçın Nəzərov iyulun 8-də Xətai Rayon Polis İdarəsi 35-ci Polis Bölməsinə müraciət edərək, həmin tarixdə parkda olan zaman 3 nəfər naməlum şəxsin ona yaxınlaşıb bıçaqla sol çiyninə xəsarət yetirdiklərini və 52 manat pulunu alaraq hadisə yerindən qaçdıqlarını bildirib.
Həyata keçirilən əməliyyat-istintaq tədbirləri nəticəsində Y.Nəzərovun istintaqı yayındırmaq məqsədi ilə bilərəkdən polisə yalan məlumat verdiyi və ona qarşı heç bir qulduluq hadisəsinin törədilmədiyi müəyyən edilib. Araşdırma zamanı müəyyən edilib ki, Y.Nəzərova hadisə günü şəxsi münasibətlər zəminində tanışı olan qadın tərəfindən bıçaq xəsarəti yetirilib. Daha sonra o, cinayəti gizlətmək məqsədi ilə hadisənin obyektiv araşdırılmasının qarşısını almaq məqsədi ilə polisləri yayındırmaq isdəyib.
 Faktla  bağlı  Xətai Rayon Polis İdarəsinin İstintaq Şöbəsində saxlanılan şəxs barəsində Cinayət Məcəlləsinin müvafiq maddəsi ilə cinayət işi başlanılıb, zəruri istintaq hərəkətləri davam etdirilir.

Həmçinin oxuyun

Telman İsmayılovun qardaşı oğlu həbs edildi

Azərbaycanlı məşhur milyarder, “Çerkizov” bazarının sabiq rəhbəri Telman İsmayılovun qardaşı oğlu Zaur Mərdanov həbs olunub. …