Bazar ertəsi , Dekabr 10 2018
Ana səhifə / Kriminal / Bakıda piyada 120-lik yolda ölümlə üz-üzə dayandı (VİDEO)

Bakıda piyada 120-lik yolda ölümlə üz-üzə dayandı (VİDEO)

Bakının əsas yollarından olan Beynəlxalq Hava Limanı şosesində təhlükəli anlar yaşanıb.

Trend-in məlumatına görə, naməlum piyada gecə saatlarında ölümü gözə alaraq sürət həddi 120 km/saat olan yolda maşınların arası ilə hərəkət edir.

Şahidlərdən biri baş verənləri telefonla çəkərək sosial şəbəkələrdə yayıb.

Görüntülərdən məlum olur ki, naməlum şəxsin gəzdiyi ərazinin yaxınlığında piyada keçidi var.

Məsələ ilə bağlı Trend-ə danışan nəqliyyat üzrə ekspert Ərşad Hüseynov bildirib ki, sözügedən piyadanın bu hərəkəti böyük qayda pozuntusudur:

“İlkin olaraq həmin piyada tapılmalıdır, güman etmək olar ki, onun sağlamlığında hər hansı problem var. Ola bilsin ki, həmin an o, sərxoş halda olub”.

Ə.Hüseynovun sözlərinə görə, piyada polis tərəfindən cərimələnməlidir.

“Hər birimiz insanıq, ola bilər ki, ruhi əsəb xəstəsidir, əslində biz ona kömək etməyə borcluyuq. Əgər normal insandırsa, həmin şəxs ərazidə xidmət edən hüquq-mühafizə orqanları tərəfindən tapılaraq cərimələnməlidir”.

Nəqliyyat üzrə ekspert sonda sürücülərə tövsiyə edib ki, bu cür hallarla rastlaşdıqları zaman dərhal polis əməkdaşlarına xəbər etsinlər.

VIPedu.BIZ

Həmçinin oxuyun

“Lotu Quli”nin azadlığa çıxdığı anın görüntüləri yayıldı – VİDEO

Bir müddət əvvəl Türkiyədə həbs olunan, kriminal aləmdə “Lotu Quli” ləqəbi ilə tanınan Nadir Səlifovun …