Azinforum.az İnformasiya Portalı Onlayn Xəbər Portalı
Yaxın günlərdə Azərbaycanda fəaliyyət göstərən daha bir neçə bank öz fəaliyyətini dayandıracaq.
Bu barədə AzNews.az-a Milli Məclisin İqtisadi Siyasət, Sənaye və Sahibkarlıq Komitəsinin üzvü, deputat Vahid Əhmədov məlumat verib. Onun sözlərinə görə, bankların bağlanması gözlənilən idi:
“Maliiyyə bazarının nəzarət palatası bankların diaqnostikasını aparır və banklarda yaranmış vəziyyətlə bağlı müəyyən qərar qəbul edirlər. Bir vaxt Azərbaycanda 43 bank vardı. Hazırda isə bu rəqəm 33-ə enib. İndi bu rəqəmin daha da azalması, yəni bankların müəyyən hissəsinin bağlanması gözlənilir.”
Vahid Əhmədov qeyd edib ki, o, bankların bağlanmasının deyil, daha çox birləşməsinin tərəfdarıdır:
“Amma indki vəziyyətdə əlbəttə ki, banklar xaricdən maliyyə yardımı ala, daxildə öz proseslərini qura bilmirlər.”
Hansı bankların bağlanması ilə bağlı məsələyə gəlincə, deputat bu barədə danışmağın çətin olduğunu vurğulayıb.
