Azinforum.az İnformasiya Portalı Onlayn Xəbər Portalı
Proteini yüksək, xolestrolu az olan, insana yüksək enerji verən ilbiz əti bir çox xalqlar tərəfindən yeyilir. Marja.az xəbər verir ki, dünyada ilbiz ətinə olan təlabatın 70 faizi ödənilmir. Bir çox Avropa və Şərq ölkələrində ilbiz geniş istehlak olunur.
Sayt yazır ki, Azərbaycanda fəaliyyət göstərən şirkətlərdən biri bu ildən ilbiz ixracına başlayıb. 2017-ci ilin fevral ayında təsis edilən şirkət istehsal üçün texniki avadanlıqlar alıb. Şamaxıda qəbul məntəqəsi açan şirkətə ilbizlər Şamaxının və ətraf rayonların kəndlərinin sakinləri tərəfindən təbiətdən toplanaraq birqadirlərə, birqadirlər də məntəqəyə təhvil verirlər. Hazırda 30-dan çox kənddə ilbiz toplanır. Kəndlilərdən ilbizin kiloqramı 50 qəpikdən alınır.
Şirkət bu günədək 183 ton ilbiz yığıb. Yaz mövsümünün sonuna kimi 270-300 ton məhsul yığılacağı gözlənilir. Emal prosesi nəticəsində malın çəkisi 25%-i azaldığı üçün ixrac üçün təxminən 200-230 ton mal qalacaq.
