Çərşənbə axşamı , Oktyabr 20 2020
Ana səhifə / Kriminal / Azərittifaq qalmalıdır yoxsa çoxdan ləğv olunmalı idi? – EKSPERTLƏR

Azərittifaq qalmalıdır yoxsa çoxdan ləğv olunmalı idi? – EKSPERTLƏR

“Azərittifaq”-Azərbaycan Mərkəzi Kooperativlər İttifaqı adlanan qurum SSRİ dövründə kənd təsərrüfatı mallarının bazara çıxarılması ilə məşğul olurdu. Azərbaycanın müstəqillik illərində Azərittifaqın fəaliyyəti demək olar ki, gözə dəymir.Son vaxtlar onun ləğv olunacağəndan çox danışılır. Azərittifaq qalmalıdır yoxsa çoxdan ləğv olunmalıdır?

Aqrar məsələləri üzrə ekspert Vahid Məhərrəmov deyir ki, yeni təsərrüfat sistemində hökumət tərəfindən yaradılmış təşkilatlara ehtiyac yoxdur. Onun sözlərinə görə, həmin təşkilatlarda rəqabət mühiti olmur. Ekspert deyir ki, Azərittifaq yeni təsərrüfat sisteminin tələblərinə cavab vermir.

Vahid Məhərrəmov deyir ki, köhnə sistemi bərpa etmək və dirçəltmək indiki şəraitdə yolverilməzdir. Onun sözlərinə görə belə qurumların hazırda bazara buraxılması yaxşı hal deyil.

İqtisadçı ekspert Qubad İbadoğlunun sözlərinə görə, Azərittifaqın dövlət tərəfindən ləğvi mümkün deyil. Ekspert deyir ki, onun fəaliyyətinin əvvəlki kimi görünməməsinin kifayət qədər səbəbləri var.

Qubad İbadoğlunun fikrincə, təşkilatın fəaliyyətini dondurmasındansa səmərəliliyini artırması daha yaxşı olardı. Ekspertin sözlərinə görə belə təşkilatlar belə, sağlam rəqabət şəraitində çox yaxşı fəaliyyət göstərə bilər.

Tənzilə Rüstəmxanlı bildirir ki, ölkənin iqtisadi durumundan asılı olaraq son vaxtlar böhran şəraiti təşkilatın fəaliyyətinə də təsir edib. Azərittifaqın sədr müavini deyir ki, təşkilatın fəaliyyətini yaxşılaşdırmaq üçün addımlar davam etdirilir.

Həmçinin oxuyun

Bakıda bank işçisindən iş yoldaşına qarşı cinayət — Təfərrüat

Bakıda dələduzluq etməkdə ittiham olunan 1978-ci il təvəllüdlü Səbuhi Əhmədovun cinayət işi üzrə məhkəmə prosesi …

Bir cavab yazın