Çərşənbə axşamı , Oktyabr 20 2020
Ana səhifə / Kriminal / Azərbaycanın turizm bazarında rekord: “Bütün otellər dolu idi”

Azərbaycanın turizm bazarında rekord: “Bütün otellər dolu idi”

“Bu il Azərbaycanda qış turizmi yeniliklərlə yadda qaldı. Ölkəmizə bu günə qədər görülməyən sayda turist gəlmişdi”.

Bunu AzVision.az-a Azərbaycan Turizm Assosiasiyasının (AzTA) rəhbəri Nahid Bağırov deyib. O qeyd edib ki, Azərbaycana gələn turistlərin sayı ötən illərlə müqayisədə 10 dəfə çoxdur. Bu, Azərbaycanın turizm bazarı üçün rekord göstəricidir.

“Bakı şəhəri və regionlardakı bütün 5 ulduzlu otellər dolu idi. Demək olar ki, boş yer yox idi. Ölkəmizə əsasən qonşu ölkələrdən – Rusiya, Qazaxıstan, Ukrayna və ərəb ölkələrindən turistlər gəlmişdilər. Yanvarın 5-dən etibarən ərəb turistlər məmləkətlərinə qayıdırlar. Amma Rusiya, Ukrayna və Qazaxıstandan olan turistlər hələ də Bakıdadırlar və istirahət edirlər”.

N. Bağırov bildirib ki, ərəb turistlər regionlarda, xüsusilə Qəbələ, Quba və Qusarda dincəlməyə üstünlük veriblər. Rusiya, Ukrayna və Qazaxıstandan gələnlər isə Bakı şəhərində istirahət ediblər.

“Qış turizm dövrü, xüsusilə dekabr, yanvar ayları Azərbaycanda ən zəif dövr hesab edilirdi. Amma bu ilk yeni ilimizdir ki, tam əksinə oldu. Azərbaycana əvvəlki illərlə müqayisədə 10 dəfə artıq turist axını qeydə alınıb. Bu, eyni zamanda turizm bazarı üçün gözlənilməz idi”.

Həmçinin oxuyun

Bakıda bank işçisindən iş yoldaşına qarşı cinayət — Təfərrüat

Bakıda dələduzluq etməkdə ittiham olunan 1978-ci il təvəllüdlü Səbuhi Əhmədovun cinayət işi üzrə məhkəmə prosesi …

Bir cavab yazın