Ana səhifə / Kriminal / “Azərbaycandan çıxan pulların qarşısı alınıb”- Ekspert

“Azərbaycandan çıxan pulların qarşısı alınıb”- Ekspert

“Bu gün valyuta ehtiyatlarımız 38,5 milyard dollar təşkil edir. Bu, önəmli bir məsələdir.”

İqtisadçı ekspert Samir Əliyev AzNews.az-a açıqlamasında valyuta ehtiyyatlarının əsasən 2015-ci ildən artdığını deyib:

“2016-ci ildə Mərkəzi Bankın valyuta ehtiyyatları az, Neft Fondunda isə çox oldu. Ümumiyyətlə, son günlər müəyyən bir artımın olması müşahidə olunur. Bu qeyri-neft sektorunda özünü göstərir. Ancaq nəzərə alaq ki, bu daha çox 2015-2016-cı ilin əvvəli ilə müqayisə olunur. Yəni, o dövrdə birdən-birə vəziyyət sürətlə pisləşdi. Neft düşdü, ölkədə devalvasiya baş verdi və bu iqtisadiyyatı iflic vəziyyətə gətirdi. Bundan sonra müəyyən bir sabitlik dövrünün yaranması lazım idi. Hazırda isə biz həmin sabitlik dövrünü yaşayırıq”.

Samir Əliyev neftin qiymətində də bahalaşma olduğunu qeyd edib:

“Bütün bu statistik göstəricilər onu deməyə əsas verir ki, Azərbaycan böhrandan çıxdı. Yəni, böhrandan nəyin hesabına çıxdı? Məsələn, tədiyyə balansına nəzər salaq. 2016-cı ilin kəsiri 2015-ci illə müqayisədə xeyli azalıb. Bu nəyin hesabına baş verib? Ölkədən çıxan pulun qarşısı alınıb və ölkəyə müəyyən qədər maliyyə vəsaiti gəlib”.

Həmçinin oxuyun

1,2 milyonluq dələduzluqda ittiham olunan iş adamı azadlığa buraxıldı – 7 il cəza almışdı

Dələduzluqda təqsirləndirilən “MİR” avtosalonunun sahibi Məhərrəm Əhədov azadlığa buraxılıb. Qaynarinfo-nun əldə etdiyi məlumata görə, 1974-cü il …

Bir cavab yazın