Cümə , İyul 19 2019
Ana səhifə / Kriminal / Azərbaycanda oliqarx və məmurların torpaqları əllərindən alınacaq

Azərbaycanda oliqarx və məmurların torpaqları əllərindən alınacaq

Azərbaycan Konstitusiyasına dəyişikliklər layihəsinə dair prezident İlham Əliyevin imzaladığı Fərmana əsasən, xüsusilə qeyd olunur ki, sosial ədalət və əmlak hüququndan effektiv istifadənin təmin edilməsi üçün mülkiyyət hüququ qanunla məhdudlaşdırıla bilər.

Qeyd edək ki, hazırda qüvvədə olan Konstitusiyaya görə, hər bir vətəndaşın mülkiyyətində daşınar və daşınmaz əmlak ola bilər. Məhkəmənin qərarı olmadan heç kim mülkiyyət hüququndan məhrum edilə bilməz. Əmlakın tam müsadirəsinə yol verilmir. Dövlət ehtiyaclarının təmin edilməsi üçün mülkiyyət hüququnun pozulması yalnız əvvəlcədən onun dəyəri ödənilməklə baş verə bilər.

Lakin təklif olunan dəyişikliklərə görə, mülkiyyətçi torpağın qeyri-effektiv istifadəsinə yol verərsə, dövlət həmin torpağı onun əlindən ala bilər.

Xatırladaq ki, iyulun 11-də keçirilmiş müşavirədə İlham Əliyev kənd təsərrüfatı əhəmiyyətli torpaqların effektiv istifadəsi məsələsinə toxunmuşdu. Dövlət başçısı bildirmişdi ki, söhbət minlərlə hektar əkinə yararlı torpaqdan gedir. «Mən bu torpaqlarla bağlı məruzənin hazırlanmasını tapşırmışam. Bəzi hallarda həmin torpaqlar yüksək vəzifəli məmurlara aiddir və məndə onların adları var. Yaxın vaxtlarda həmin məsələ ilə bağlı tədbirlər görüləcək və istifadə edilməyən torpaqlar geri alınaraq kənd təsərrüfatında istifadəyə yönəldiləcək. Ölkədə kənd təsərrüfatı əhəmiyyətli istifadəsiz torpaq qalmamalıdır», – prezident deyib.

Həmçinin oxuyun

Bakıda patronlarla tutulan israilli: “Ümid edirəm ki, bazar günü məni buraxacaqlar”

Azərbaycanda bir neçə ay əvvəl həbs edilmiş İsrail vətəndaşı Beni Hay sərbəst buraxılacaq və vətəninə …

Bir cavab yazın