Çərşənbə axşamı , İyun 25 2019
Ana səhifə / Kriminal / Azərbaycanda “exchange” açmaq istəyənlərin NƏZƏRİNƏ

Azərbaycanda “exchange” açmaq istəyənlərin NƏZƏRİNƏ

Prezident İlham Əliyev valyutadəyişmə fəaliyyətinin tənzimlənməsi ilə bağlı fərman imzalayıb.

Lent.az xəbər verir ki, həmin fərmanla valyuta mübadiləsi fəaliyyətinin həyata keçirilməsi üçün tələb olunacaq girovun məbləği müəyyənləşdirilib.

“Exchange” fəaliyyətinə lisenziya almaq istəyən şəxslər müvəkkil bankda xüsusi hesaba müəyyən olunmuş məbləğdə həm milli valyutada, həm də ABŞ dollarında girov vəsaiti yerləşdirməlidirlər.

Girov vəsaitinin məbləği regionlar üzrə fərqlənir: Bakı şəhərində – 50 min manat və 50 min ABŞ dolları, Abşeron rayonunda, Sumqayıt və Gəncə şəhərlərində – 25 min manat və 25 min ABŞ dolları, digər şəhər və rayonlarda, habelə Naxçıvan Muxtar Respublikasında – 10 min manat və 10 min ABŞ dolları.
Xatırladaq ki, valyuta mübadiləsi ilə məşğul olan şəxs lisenziyanın alınması üçün müraciət edərkən Vergilər Nazirliyindən dövlət büdcəsinə borcu və digər öhdəliyi olmadığı barədə arayış, təsisçinin (təsisçilərin) iqtisadi fəaliyyət sahəsində cinayətlərə görə məhkumluğunun olmaması haqqında Daxili İşlər Nazirliyindən arayış təqdim etməlidir.

Həmçinin oxuyun

Robert Köçəryan yenidən həbs olundu

Ermənistanda apellyasiya məhkəməsi keçmiş prezident Robert Köçəryanın yenidən həbs edilməsi barədə qərar verib. Virtualaz.org Rusiya mətbuatına …

Bir cavab yazın