Cümə axşamı , Dekabr 1 2022
Ana səhifə / Kriminal / “Ayda 50 min manat maaş alırdı…” – Rasim Məmmədov

“Ayda 50 min manat maaş alırdı…” – Rasim Məmmədov

Bakı Ağır Cinayətlər Məhkəməsində “Baku Steel Company” MMC-nin sabiq rəhbəri Rasim Məmmədovun məhkəmə iclası keçirilib.

Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə baş tutan prosesdə vəkil Zibeydə Sadıqova vəsatət qaldırıb. O müvəkkili Rasim Məmmədovun barəsində seçilmiş həbs qətimkan tədbirinin ev dustaqlığı ilə əvəz edilməsini istəyib.

İş üzrə şahidlərin dindirilməsinin məhkəmə tərəfindən təmin edildiyini deyən vəkil bildirib ki, Rasim Məmmədovun şahidlərə təsir etmə imkanı yoxdur: “Biz hesab edirik ki, Rasim Məmmədov heç bir cinayət əməli törətməyib və məhkəmədən bəraət almaq istəyirik. Ona görə də məhkəmənin keçirilməsi istəyirik”.

Prokuror vəsatətin təmin edilməməsini istəyib. 

Məhkəmə ev dustaqlığı ilə bağlı vəsatətin təmin etməyib.

Fasilədə Rasim Məmmədov şəriki Yusif Hənifəzadənin ötən prosesdəki sözlərinə münasibət bildirib. Yusif Hənifəzadənin dedikləri yalanlayan R. Məmmədov deyib ki,  Yusif Hənifəzadə hər ay 50 min manat maaş alıb: 

“Bildirir ki, arxamca gələrək məni güdüb. Mənim avtomobilim zirehli idi. 4 tərəfdən çəkiliş aparırdı. Mən hər gün görüntülərdə baxırdım ki, kim məni izləyib. O isə məni izləməyib. Deyir evimə qədər məni izləyib. Guya ki, mən yuxarı deyəndə evimin yuxarı mərtəbədə olmasını nəzərdə tutmuşam. Halbuki, mən 2019-cu ildən Mərdəkanda evimdə yaşamışam. Pandemiyadan sonra orada yaşamışam. Sonra deyir ki, “Baku Steel”lə əlaqəsi olmayıb. Maliyyə direktoru Mübariz Səmədovdan soruşun, hər ay 50 min manat maaş alıb”.

İclasda dünyasını dəyişmiş olan şahid Mehman Hüseynovun istintaqa verdiyi ifadəsi elan edilib. 

Mehman Hüseynov istintaqda ifadəsində bildirib ki, Rasimlə uşaqlıqdan dost olub:

“Rasimlə yaxşı münasibətim olub. O vaxt Rasim Bayıl həbsxanasının arxasından atasının maşının təmiri ilə üçün yanıma gətirirdi. Elə münasibətlərimiz möhkəmləndi. 2006-2007-ci illər idi Rasim təklif elədi ki, Oksford məktəbini tikidirir. Məni ora tikintiyə nəzarətçi götürdü. Əvvəllər 900 manat, daha sonra 3000 min manat maaş aldım. 2010-cu ildə Rasimlə Çingizin təklifi ilə adıma şirkət yaratmaq istədiklərini bildirdilər. Mən də razılaşdım. “Royal Steel” MMC yaratdılar, təsisçi kimi mənim adıma rəsmləşdirildi. Şirkətinin heç bir işindən xəbərim yox idi”.

Prosesdə şahid Tamaranın dindirilməsi üçün vəsatət qaldırılıb. Hakim vəkillərə vəsatəti yazılı və əsaslandırılmış şəkildə təqdim etmələrini bildirib. 

Məhkəmədə şahidlərin dindirilməsi başa çatıb. Sənədlərin tədqiqi prosesinə başlanılıb. 

Məhkəmənin növbəti iclası oktyabrın 24-nə təyin edilib. 

Qeyd edək ki, Rasim Məmmədov Dövlət Təhlükəsizlik Xidməti (DTX) tərəfindən həbs olunub. O, Cinayət Məcəlləsinin 179.4 (mənimsəmə və ya israfetmə, xüsusilə külli miqdarda ziyan vurmaqla törədildikdə), 193.3.2 (xüsusilə külli miqdarda gəlir əldə etməklə yalan sahibkarlıq), 308.2 (vəzifə səlahiyyətlərindən sui-istifadə etmə, ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham olunur.

Həmçinin oxuyun

Sabiq başçıdan milyonluq mülk və maşınları alındı – SİYAHI

İmişli rayon İcra Hakimiyyətinin sabiq başçısı Vilyam Hacıyev barəsində olan hökmdən verilən apellyasiya şikayəti üzrə …