Çərşənbə , Sentyabr 22 2021
Ana səhifə / Kriminal / “Armo Store” mağazalar şəbəkəsinin filial müdiri haqqında cinayət işi açılıb

“Armo Store” mağazalar şəbəkəsinin filial müdiri haqqında cinayət işi açılıb

“Nur Retail” MMC-nin “Armo Store” mağazalar şəbəkəsinin “Yasamal” filialının müdiri Ağafərid Ağayevin qanunsuz əməlləri ilə bağlı Yasamal rayon prokurorluğunda Cinayət Məcəlləsinin müvafiq maddələri ilə başlanmış cinayət işinin istintaqı yekunlaşdırılıb.

Baş Prokurorluqdan Mia.az-a bildirilib ki, aparılmış ibtidai istintaqla Ağafərid Ağayevin 27.11.2017-ci il tarixdən 05.05.2018-ci il tarixədək olan müddət ərzində qeyd olunan vəzifədə işləyərkən müdiri olduğu müəssisənin büdcəsindən ümumilikdə 20 min 216 min manat məbləğində pul vəsaitini müxtəlif qanunsuz üsullarla mənimsəməsinə əsaslı şübhələr müəyyən edilib.

İş üzrə toplanmış sübutlar əsasında Ağafərid Ağayevə Cinayət Məcəlləsinin 179.2.3 və 179.2.4-cü (mənimsəmə- şəxs tərəfindən öz qulluq mövqeyindən istifadə etməklə xeyli miqdarda ziyan vurmaqla törədildikdə) maddələri ilə ittiham elan edilməklə barəsində başqa yerə getməmək haqqında iltizam qətimkan tədbiri seçilib.

İş üzrə vurulmuş ziyanın tam ödətdirilməsi təmin edilib.

Cinayət işi baxılması üçün aidiyyəti üzrə Yasamal Rayon Məhkəməsinə göndərilib.

Həmçinin oxuyun

Rüşvətdə suçlanan klinika direktoru: ‘İpotekada olan ev, maşından başqa nəyim var?’

Bakıda pandemiya ilə əlaqədar, əsasən, koronavirusa yoluxanların müalicə olunduğu “Yeni Klinika”nın sabiq direktoru, rüşvət almaqda …