Türkiyənin Iğdır bölgəsində 10 uşaq anası 74 yaşlı Şəfika S. yaşadığı evində naməlum şəxslər tərəfindən zorlanaraq 17 bıçaq zərbəsi ilə qətlə yetirilib.
Qadının evindən pulu və mobil telefonu da oğurlanıb. Yaşlı qadının baxıcısı dünən izn alaraq öz evinə gedib. Bu gün geri qayıdan baxıcı xanım evin qapısının açıq olduğunu görüb. İçəri daxil olan qadın Şəfika S.-in qanlar içində yerdə olduğunu görüb. Qadın dərhal polisə xəbər verib. Hadisə yerinə gələn polislər araşdırmaya başlayıblar. Məlum olub ki, yaşlı qadını zorlayaraq 17 bıçaq zərbəsi ilə qətlə yetiriblər.