3 uşaq sahibi olan ər-arvad bıçaqla bir-birini doğradı

İstanbulun Ataşehir rayonunda yola getməyən 3 uşaq sahibi ər-arvad Halil Keleş (46) və Zekiye Keleş (43) bir-birini bıçaqlayıb.

Milli.Az xəbər verir ki, yaralı halda xəstəxanaya çatdırılan qadın dünyasını dəyişib. Əri isə reanimasiyada ölüm-qalım mübarizəsi aparır.

Qanlı olay bu gün səhər saat 6 radələrində qeydə alınıb.

Polis istintaqa başlayıb. Məlum olub ki, cütlük arasında 5 ay öncə baş verən dava-dalaşdan sonra Halil Keleşin evdən uzaqlaşdırılma cəzası alıb. Yaxınlarının vasitəsi ilə ər-arvad sonradan barışıblar.