Çərşənbə axşamı , Oktyabr 27 2020
Ana səhifə / Kriminal / 25 yaşlı gənci “cin çıxartma” adı ilə döyüb öldürdülər

25 yaşlı gənci “cin çıxartma” adı ilə döyüb öldürdülər

Şabran rayonunda 6 nəfər bir şəxsi döyərək öldürüb. “Qafqazinfo”nun verdiyi xəbərə görə, onlar psixoloji problemləri olan 25 yaşlı Murad Soltanovu bədənindən “cin çıxarmaq” üçün döyüblər. 

Məlumata görə, M. Suoltanov Bakının Binəqədi rayonunda yaşayıb. Atası Şahin Şabranda belə bir müalicə üsulu olduğunu öyrənib və noyabrın 9-da oğlunu ora aparıb. Həmin gün “cin çıxartma” prosesi saat 22 radələrindən başlayaraq 2 saat davam etdirilib və bu müddət ərzində onu çubuqla döyüblər.

M.Soltanovdan “cin çıxaran” şəxslər isə Şabran rayon sakinləri Fizuli Qəribov, Vüsal İbrahimov, Aprel Xəlilov, Sahib Xəlilov, Əfqan Tarverdiyev və Cəmil Qayıbov olub. Onlar prosesi V.İbrahimovun Ali Mustafayev küçəsi ev 19-da yerləşən mənzilində həyata keçiriblər. M.Soltanovun meyiti də həmin evdən tapılıb.

25 yaşlı gənci öldürən şəxslərin vəhhabi təriqətinin üzvləri olduqları bildirilir.

Şabran rayon prokurorluğunda Cinayət Məcəlləsinin 126.3-cü (və 138.2-1-ci maddələri ilə cinayət işi başlanılıb.

Həmçinin oxuyun

Bakıda bank işçisindən iş yoldaşına qarşı cinayət — Təfərrüat

Bakıda dələduzluq etməkdə ittiham olunan 1978-ci il təvəllüdlü Səbuhi Əhmədovun cinayət işi üzrə məhkəmə prosesi …