Ana səhifə / Kriminal / 200 min manata yaxın mənimsəmədə təqsirləndirilən vəkil məhkəməyə məcburi gətiriləcək

200 min manata yaxın mənimsəmədə təqsirləndirilən vəkil məhkəməyə məcburi gətiriləcək

Külli miqdarda mənimsəmədə ittiham olunan 1 saylı Hüquq Məsləhətxanasının sabiq müdiri Sümbülə Əliyevanın cinayət işi üzrə məhkəmə prosesi davam edir.
Sümbülə Əliyeva barəsində həbslə bağlı olmayan qətimkan tədbiri seçilib.
Cinayət işi Bakı Ağır Cinayətlər Məhkəməsində hakim Mahmud Ağalarovun sədrliyi ilə araşdırılır. Lakin təqsirləndirilən şəxs ardıcıl 8 iclasdır məhkəməyə gəlmir.
Bildirilib ki, məhkəmə tərəfindən Sümbülə Əliyeva barəsində məhkəmədən yayındığı üçün məcburi gətirilmə qərarı çıxarılıb. Təqsirləndirilən şəxsin məhkəmədə iştirakını təmin etmək polisə həvalə olunub.
Qeyd edilib ki, Sümbülə Əliyeva 1 saylı hüquq məsləhətxanasında vəkillərin gəlirlərindən sosial siğortaları və pensiya fonduna ödənməli olan məbləği mənimsəməkdə ittiham olunur.
İş üzrə dəymiş ziyan 200 min manata yaxındır.
Ona qarşı Cinayət Məcəlləsinin 179.3.2-ci (mənimsəmə, külli miqdarda ziyan vurduqda) və 213 (vergiləri, məcburi dövlət sığorta haqlarını ödəməkdən yayınma) maddələri ilə ittiham irəli sürülüb.
Zərərçəkmiş qismində Dövlət Sosial Müdafiə Fondu, İqtisadiyyat Nazirliyi yanında Vergi Xidməti, Vəkillər Kollegiyasının Rəyasət Heyəti tanınıb.
Vəkillər Kollegiyası Rəyasət Heyətinin qərarı ilə Sümbülə Əliyevanın vəkillik fəaliyyəti barəsində elan olunacaq hökm qanuni qüvvəyə minənədək dayandırılıb. APA

Həmçinin oxuyun

Taleh Qaraşovun qardaşı oğluna 10 il həbs cəzası verildi

Kürdəmirdə atasını ov tüfəngi ilə öldürməkdə ittiham edilən Azay Qaraşovun cinayət işi üzrə məhkəmə araşdırması …